Топтамалар

Елбасы кітапханасының музейлік жинағындағы ең басты әрі маңызды топтамалардың бірі – Қазақстан Республикасы Тұңғыш Президентінің наградалары қоры. Наградалар қоры жоғары мемлекеттік наградалар мен қоғамдық наградалар топтамасы болып екіге бөлінеді.

Жоғары мемлекеттік наградалар топтамасы келесі топтардан тұрады:

1) КСРО мемлекеттік наградалары;

2) Қазақстан Республикасының мемлекеттік наградалары;

3) Шет мемлекеттерінің наградалары.

Қоғамдық наградалар топтамасы келесі топтарға бөлінеді:

1) мерейтойлық медалдар, ғылыми және құрметті атақтар;

2) мемориалдық заттар (естелік кәдесыйлар, естелік тақтайшалар);

3) С.А. Назарбаеваның наградалары (мемлекеттік, қоғамдық наградалары, ғылыми және құрметті атақтары).

Бағалы металдар мен бағалы тастар бұйымдары топтамасы келесі тақырыптық кешендерден тұрады:

1) кәдесыйлар мен композициялар: үстелге арналған әшекейлер, панно, макеттер және үлгілер, кәдесыйлық жинақтар, мүсіндер және мүсіншелер, кеңістік карталары, діни сипаттағы кәдесыйлар;

2) зергерлік бұйымдар: скипетрлер және асатаяқтар, әйелдер әшекейі, әйелдер мен ерлердің белдіктері, ат жабдықтарының заттары;

3) декоративті ыдыс-аяқтар: ас үй ыдыс-аяғы, көркемдік ыдыс-аяқ, панно-тарели, діни қызметтегі ыдыс-аяқ;

4) тұрмыс заттары: сағаттар, жазу құралдары, киім бөлшегі, қобдиша;

5) нумизматика: монеталар, үстел медальдары, фалеристика, филателия.

Қару-жарақ және әскери сауыт-сайман экспонаттардың келесі топтарына бөлінеді:

1) оқпен ататын қарулар: аң аулайтын мылтық, ататын мылтық, револьвер және пистолет, кәдесыйлық, панно;

2) суық қарулар: шанышпалы-шабу, соғу-ұсату, шабу, шанышпалы-кесетін, лақтыратын, ағаш, кәдесыйлық, паннолар;

3) қорғаныш қарулары: сауыт-сайман, олардың бөлшектері, қалқан;

4) ат жабдығы: ер-тоқым жарақтарымен, қамшы;

5) амуниция (аңшылардың жарақтық заттары, сонымен бірге әскери және аңшылық тақырыбына қатысты басқа да заттар болуы мүмкін).

Нумизматика топтамасы келесі тақырыптық кешендерден тұрады:

1) нумизматика: монеталар, кәдесый түріндегі монеталар;

2) бонистика: альбомдар мен паннолар түріндегі банкноталар мен бонналар;

3) фалеристика: медальдар, төсбелгілер, белгілер, спорттық медальдар;

4) филателия: альбом және панно түріндегі пошта маркалары, пошта конверттері, пошталық ашық хаттар;

5) геральдика: кәдесыйлар түріндегі елтаңба, елтаңба үлгісі;

6) үстелге қоятын медальдар: кәдесыйлар түріндегі естелік, мерейтойлық, тұсаукесерлік, плакеткалар;

7) сфрагистика: мөр, мөртабан.

Кәдесыйлық бұйымдар топтамасы келесі тақырыптық кешендерден тұрады:

1) декоративтік табақтар;

2) кәдесыйлық панно: естелік пластиналар, естелік тақтайлар, құттықтау хаттары, панно;

3) естелік кәдесыйлар: үстелге арналған кәдесыйлар, композициялар, мүсіншелер, стелалар, билік нышандары, дін және ғибадат заттары, музыкалық аспаптар, плакеткалар, кәдесыйлық кілттер;

4) спорттық кәдесыйлар: кубоктар, кәдесыйлар, белдіктер;

5) қобдишалар;

6) макет- кәдесыйлар: архитектуралық, өнеркәсіптік, көліктік.

Ыдыс-аяқтар топтамасы келесі тақырыптық кешендерден тұрады:

1) вазалар: сәндік, едендік, гүлдерге, тәттіге, жеміс-жидекке арналған;

2) асханалық ыдыстар: шай сервиздері, кофе сервиздері, ас үй заттары, тәрелкелер және табақтар;

3) сыйға тартылған жинақтар: графиндер, құмыралар, стақандар, тостағандар, фужерлер, ішуге арналған ыдыс, саптыаяқтар;

4) ұлттық үй заттары: сабылар, торсықтар, құмыралар, қол шайғыштар.

 Кілем және киіз бұйымдары топтамасы келесі тақырыптық кешендерден тұрады:

1) портреттік кілемдер;

2) сюжеттік кілемдер;

3) кілемдік бұйымдар (кілемдер, кілемшелер панно);

4) киіз бұйымдары.

Киім топтамасы келесі тақырыптық кешендерден тұрады:

1) Қазақстан Республикасы Тұңғыш Президенті Н.Ә. Назарбаевтың жеке киімдері;

2) арнайы киім: спорттық, жұмыс, іскерлік, әскери киімі;

3 ) әлем халықтарының ұлттық киімі;

4) шетелдік және отандық оқу орындары мен ғылыми мекемелерінің мантиялары;

5) бас киімдер;

6) аяқ-киімдер.

Жұмсақ инвентарь топтамасы келесі тақырыптық кешендерден тұрады:

1) тұрмыс заттары: сүлгі, дастархан, майлық;

2) вексиллология: ту, жалау, байрақ, жалауша;

3) матаның әр түрінен жасалған, жұмсақ материалдардан дайындалған жұмсақ кәдесыйлар.