«Қазақстан Республикасының Президенті және ұлтаралық келісім» атты дәріс өткізілді | Қазақстан Республикасының Тұңғыш Президенті

2017 жылы 17 ақпанда С. Сейфуллин атындағы Қазақ агротехникалық университетінің оқушыларына «Қазақстан Республикасының Президенті және ұлтаралық келісім» атты дәріс өткізілді.Дәріскер, тарих ғылымдарының кандидаты Қайыпова Б.М. саяси тұрақтылыққа кепілдік беретін, ұлтаралық және конфессияаралық бейбітшілік пен келісімді қамтамасыз етуге арналған бағыт ел дамуының басты факторы болып табылады деп атап көрсетті. Қазақстанның ұлтаралық қатынастарды үйлестіру саласындағы тәжірибесі әлемнің көптеген елдері үшін – өзекті. Ұлтаралық саладағы қоғамдық институттардың жұмысы халықаралық қоғамдастық тарапынан жоғары бағаланады. Соның өзінде елдегі келісімді солай болуға тиісті жағдай деп қабылдауға болмайды. Жастардың алдында ұлтаралық тұрақтылықты сақтау және нығайту міндеті тұр. Н.Ә. Назарбаев атап көрсеткендей Қазақстан «адамзат тұрғыза алатын жаһандық әлемнің моделі».

Дәріс барысында тренингтік элементтерді қолдану арқылы интерактивті әдістер пайдаланылды.