«Тәуелсіздік – ата-баба арманы, ұрпақтар үшін ақиқат»

2016 жылдың 12 желтоқсанында Қазақстан Республикасы Тұңғыш Президентінің Музейінде Қазақстан Тәуелсіздігінің 25 жылдығын мерекелеу аясында ұйымдастырылған жалпы білім беретін мекемелердің қоғамдық пәндер мұғалімдерінің арасындағы «Тәуелсіздік – ата-баба арманы, ұрпақтар үшін ақиқат» атты қалалық байқаудың қорытындысы және жеңімпаздарды марапаттау рәсімі өтті.

Байқауды ұйымдастырушылар: Қазақстан Республикасы Тұңғыш Президентінің Музейі, Астана қ. Білім басқармасы, Білім қызметкерлерінің қалалық «Әділет» кәсіподағы.


 
  
Тәуелсіздік күні – басты ұлттық мереке. Бұл тұрғыда Мемлекет басшысының «Ұлттың бәсекеге қабілеттілігі бірінші кезекте білім деңгейімен айқындалады» дегеніндей, барлық қоғамның шоғырлануы осы міндетті орындауға ықпал етеді. Байқаудың біріктіруші бастауы Елбасының тәуелсіз Қазақстанның қалыптасуы, дамуы мен нығаюындағы рөлін зерттеу болып табылады.
Қоғамдық пәндер мұғалімдері арасындағы қалалық байқауға 27 жұмыс ұсынылса, оның 8-і іріктеу кезеңінен өтіп, 4 қатысушы ұсынған тақырыптары бойынша қазылар алқасының назарына ашық сабақтарын ұсынды.
Қазылар алқасына ережеде жарияланған келесі міндеттерді қай қатысушының орындай алғанын анықтау күтіп тұрды:

–  оқыту мен тәрбиелеудің интерактивті педагогикалық технологиялары мен әдістерін анықтау;

–  білім берудегі жаңашылдықты дамыту;

–  жаңа, шынайы педагогикалық идеяларды іздеу;

–  озық педагогикалық тәжірибені анықтау және тарату.

Қатысушылар арасындағы жүлделі орындар келесідей бөлінді:

 

Байқаудың Бас жүлдесін № 62 мектеп-лицейінің тарих пәнінің мұғалімі Н.Б. Исасеитов иеленді.

– І дәрежелі дипломмен  №17 мектеп-гимназиясының тарих пәні мұғалімі А.Е. Салмакова марапатталды;

– ІІ дәрежелі дипломмен  «Голубой парус» «Балабақша-гимназия кешенінің» тарих пәні мұғалімі Н.К. Сакауова марапатталды;

– III дәрежелі дипломмен № 31 мектеп-гимназиясының тарих пәні мұғалімі О.А. Опанасенко марапатталды.