Жаңалықтар

Қазақстан Республикасы Тұңғыш Президентінің кітапханасында Халықаралық зияткерлік даму институтының директоры, профессор Джо Гю Юнмен кездесу өтті. Іс-шараға Қазақстан Республикасы Парламенті Мәжілісінің депутаттары, Л.Н. Гумилев атындағы Еуразия ұлттық университетінің және Астана Халықаралық университетінің студенттері, сондай-ақ Binom мектебінің оқушылары қатысты.

Мемлекет басшысы Ереванда өткен Ұжымдық қауіпсіздік туралы шарт ұйымы Ұжымдық қауіпсіздік кеңесінің отырысына қатысты. Армения Премьер-министрі Никол Пашинянның төрағалығымен өткен саммитке Беларусь Президенті Александр Лукашенко, Қырғызстан Президенті Садыр Жапаров, Ресей Президенті Владимир Путин және Тәжікстан Президенті Эмомали Рахмон қатысты.

Қасым-Жомарт Тоқаев, ең алдымен, кезектен тыс өткен Президент сайлауындағы жеңісімен құттықтаған жиынға қатысушыларға алғыс айтты.

Қазақстан Республикасының Тұңғыш Президентінің кітапханасында Қазақстан Республикасы суретшілер Одағының мүшесі Жеңіс Кәкенұлының «Таңбалы» атты жеке көрмесінің ашылуы өтті. Көрме отандық авторлардың жетістіктерін насихаттауға бағытталған «Тәуелсіздіктің мәдени негізі» жобасының жұмысын жалғастыруда.

2022 жылдың 20 қарашасы еліміздің өміріндегі шын мәніндегі маңызды оқиға болды. 

Кезектен тыс Президент сайлауында Қ.К.Тоқаевтың кандидатурасын қолдап, Жаңа Қазақстанды құру жолындағы көлемді реформаларды іске асыратын белгілі бір белестен өттік.

Ендігі сатыда, еліміздің саяси тұрақтылығын, қарқынды экономикалық дамуын, азаматтарымыздың әл-ауқаты мен тұрмыс сапасын қамтамасыз етуге бағытталған қайта құру шараларын іске асыру үдерісіне қос білекті түріп, бір кісідей белсене атсалысуымыз қажет. 

Бірге болсақ – жеңіс қолда болмақ. Бірлік – жеңіске жетелейді!

Бүгін Қазақстан Республикасы Тұңғыш Президентінің кітапханасында «Тәуелсіздік тарихына замандастар көзқарасы» іс-шаралар айдары шеңберінде «Киноқұжаттар жасау тарихы» тақырыбында кездесу өтті. 

Іс-шараның құрметті қонағы-режиссер, Қазақ Ұлттық Өнер Университетінің «Кинорежиссура және телевизия» кафедрасының доценті Оралбек Рахманқұлұлы Сарыбасов болды.

Іс-шараға Л.Н. Гумилев атындағы Еуразия ұлттық университеті мен Қазақ ұлттық өнер университетінің студенттері қатысты.

Қазақстан Республикасының Тұңғыш Президенті кітапханасында белгілі жазушы, драматург, Мемлекеттік сыйлықтың иегері, Қазақстанның еңбек сіңірген қайраткері Сарай Әнес Төленұлы туғанына 85 жыл толуына орай «Қазына қалдырған қаламгер» атты әдеби кеш өтті.

Әдеби сағат аясында Сарай Әнес Төленұлының өмірі мен қызметі туралы презентациямен қатар жазушының жұбайы, мемлекеттік және қоғам қайраткері, жазушы Жағанова Алтыншаш естеліктерімен бөлісті, жазушының шығармашылығына арналған кітап көрмесі ұсынылды. 

ҚР Тұңғыш Президент кітапханасында «Эко сән» қалалық байқауының жеңімпаздарын салтанатты марапаттау рәсімі және дефиле өтті.

Экосән - бұл қоршаған орта мен адам денсаулығына қамқорлық. Бұл жер шарын экологиялық апаттан құтқарудың алғашқы қадамы. Табиғи, экологиялық таза маталардан жасалған заттар адам денсаулығына зиян келтірмей, бізді қорғайды. Мысалы, соя талшығынан жасалған мата зиянды ультракүлгін сәулелерден қорғай алады ұстай алады.

Байқауды ҚР Тұңғыш Президент кітапханасы және Астана қ. Балалар көркемсурет мектебі – ЮНЕСКО клубы ұйымдастырды.

«Қазақстандықтардың әл-ауқатын арттыруға бағытталған орнықты экономикалық өсу» ұлттық жобасын іске асыруға 15,9 трлн теңге, оның 15,5 трлн теңгесі – жеке инвестициялар бағыттау жоспарлануда.

https://toqaev2022.kz/kk/facts/2125 

Президент жас кәсіпкерлермен кездесу барысында креативті индустрияның қазіргі әлемде маңызды рөл атқаратынын атап өтті.

– Қазақстан креативті индустрия саласында алдыңғы қатарға шыққанына өте қуаныштымын. Бұл тұрғыда Қазақстан туралы оң пікірлер айтыла бастады. Осындағы азаматтар бұған зор еңбек сіңірді. Сіздерге шын жүректен ризашылығымды білдіремін, – деді Мемлекет басшысы.

Президент Алматыда студенттермен және жас ғалымдармен кездесуінде олардың сөзін зейін қойып тыңдағанын  атап өтіп, ұсынылған барлық маңызды ғылыми жобалар мен технологиялық стартаптардың ел үшін мәні зор екенін айтты.

Мемлекет басшысы Алматы еліміздің ғылым мен білім ордаларының бірі  екенін  атап өтті.

– Әйгілі Қаныш Сәтбаев осы қалада Ғылым академиясының негізін қалаған. Көптеген ғалымдарымыз Академия қабырғасында қазақ ғылымын дамытуға орасан зор үлес қосты. Аға буынның абыройлы жолы лайықты жалғасын табуға тиіс, – деді Президент.