Жаңалықтар

ҚР Тұңғыш Президент кітапханасында елордадағы № 45 мектептің оқушыларына «Қазақтың музыка өнері» тақырыбында сабақ өткізілді. Кітапхананың Мәдени-ағартушылық жобалар қызметінің аға сарапшысы Жансая Шыңғысханқызы сабақ барысында балаларды қазақ халқының көнеден қалған музыкалық аспабы – қобыз, ұлттың асыл қазынасы – домбыра, көп ішекті шертпелі аспап – жетіген тарихымен таныстырды. Сонымен қатар, Қорқыт ата, Дәулеткерей Шығайұлы, Дина Нұрпейісова, Әміре Қашаубаев, Нұрғиса Тілендиев т.б. өнер майталмандарының шығармалары туралы тарқатып айтты.  

Әділетті әлеуметтік саясат жүргізу – Әділетті Қазақстан құрудың  базалық алғышарты.

Азаматтың білім алуына, денсаулығы мен әл-ауқатына мемлекет тікелей жауапты. Әлеуметтік бюджетіміз өсіп келеді. Бұл – балабақша, мектеп, аурухана, мәдениет, спорт нысандарын салуға және жөндеуге, атаулы көмекке бөлінетін триллиондаған теңге.

Қазақстан Республикасының Тұңғыш Президенті кітапханасында Қазақстан мен шет мемлекеттер арасындағы дипломатиялық қатынастардың орнағанына 30 жыл толуына арналған «Қазақстан Республикасының дипломатиялық қызметі: тарихи мұра және қазіргі заман» атты халықаралық ғылыми дөңгелек үстел отырысы өтті. 

Іс-шараны Қазақстан Республикасы Президентінің Архиві Қазақстан Республикасы Тұңғыш Президенті кітапханасымен бірлесіп ұйымдастырды.

Қазақстандағы олигополиялық капитализм әлеуметтік теңсіздік пен ішкі нарықтың теңгерімсіздігін тудырды. Компаниялардың кейбірі тіпті ауыр дағдарыста да көп табыс тапты.

Монополистер қызметін адал атқармай, азаматтардың нақты табысының өсуіне кедергі келтіріп, оларға «кедейлік қамытын» кигізді және орта таптың нығаюына жол бермеді.

Біз экономиканың даму моделін түбегейлі өзгертеміз.

Біз «күшті Президент – ықпалды Парламент – есеп беретін Үкімет» формуласы негізінде саяси жүйені жаңғыртуды жалғастырамыз.

Тек ұлт игілігі үшін жұмыс істейтін, ішкі әлеуметтік-экономикалық міндеттерді шешу мен мемлекеттің сыртқы мүддесін қорғауды қамтамасыз ететін мемлекеттік аппарат құрамыз.

Қазақстан Республикасы Тұңғыш Президентінің кітапханасында 19-20 және 26-27 қазанда өткен «Жаңа Қазақстан: жасампаз ел мұраты» атты екі күндік семинар-тренингтерге Қарағанды және Павлодар облыстары мектептерінің жоғары сынып оқушылары, сондай-ақ М. Өтемісов атындағы Батыс Қазақстан университеті мен Теміртау қаласындағы Қарағанды индустриялық университетінің студенттері қатысты.

Еліміз жаңа тарихи кезеңге аяқ басты.

2022 жылдың 20 қарашасында Қазақстан Республикасы Президентінің сайлауы өтеді. Бұл – біздің болашақ дамуымыздың стратегиялық бағытын айқындайтын науқан.

Парламенттік партиялар мен ірі қоғамдық ұйымдарды жұмылдырған Халық коалициясы мені Президент үміткерлігіне ұсынды. Осыған байланысты еліміздің алдағы жеті жылдық кезеңдегі даму барысы туралы пайымымды ортаға салғым келеді.

Бүгін Қ.Сәтбаев атындағы Binom School-да «Тұңғыш» көшпелі экскурсия жобасы және «Жаңа Қазақстан: сапалы білім – дәстүрлер мен инновациялар синтезі» көрмесі ашылды.

Іс-шараға Қазақстан Республикасының Тұңғыш Президенті кітапханасы мен Қ. Сәтбаев атындағы Binom School басшылары, мектеп оқушылары, ата-аналар қатысты.

Тәжірибе алмасу аясында Қазақстан Республикасы Тұңғыш Президентінің кітапханасына директордың орынбасары Гадобек Махмудов бастаған Тәжікстан Ұлттық кітапханасының қызметкерлері келді.