Жаңалықтар

МЕМЛЕКЕТ БАСШЫСЫ ГАЗ-ХИМИЯ КЕШЕНІН ІСКЕ ҚОСТЫ

09 қараша 2022

Президент Атырау облысына жұмыс сапары барысында «Kazakhstan Petrochemical Industries Inc» ЖШС-на қарасты біріктірілген газ-химия кешенін іске қосты.

Кездесуде «Қазмұнайгаз» ұлттық компаниясының  басқарма төрағасы Мағзұм Мырзағалиев Мемлекет басшысына газ-химия кешенінің даму перспективасы туралы баяндады. Жалпы, кешен құрылысына 4300 адам жұмысқа тартылған. Ол толық іске қосылғанда 631 адам тұрақты жұмыспен қамтылады.

ПРЕЗИДЕНТ «КАСПИЙ» СУ ТҰШЫТУ ЗАУЫТЫНА БАРДЫ

08 қараша 2022

Мемлекет басшысы Маңғыстау облысына жұмыс сапары барысында Ақтау қаласындағы «Каспий» су тұшыту зауытының жұмысымен танысты.

Президентке зауытты кеңейту жобасының орындалу барысы туралы баяндалды. Тәулігіне 20 мың текше метр таза су өндіретін зауыттың қуатын екі есеге дейін арттыру жұмыстары жүргізіліп жатыр.

МЕМЛЕКЕТ БАСШЫСЫ МАҢҒЫСТАУ ОБЛЫСЫНЫҢ ЖҰРТШЫЛЫҒЫМЕН КЕЗДЕСТІ

08 қараша 2022

Мемлекет басшысы облыс халқымен кездесуінде өңірдің ерекшеліктеріне тоқталып, өлкені жан-жақты өркендетуге толық мүмкіндік бар екенін атап өтті. Сондай-ақ тәуелсіздік жылдарында тұрғындарының саны 2,5 есе өскен аймақтың әлеуметтік-экономикалық дамуы туралы ой-пікірін жеткізді.

Президент, ең алдымен, Маңғыстаудың өңдеу өнеркәсібін және бизнес саласын дамыту қажеттігіне назар аударды. Мемлекеттің алдында тұрған негізгі міндеттің бірі – ұлттық экономиканы іс-жүзінде әртараптандыру. Сондай-ақ терең өңделген дайын өнім шығаратын өндіріс орындарын ашу қажет. 

МЕМЛЕКЕТ БАСШЫСЫ БІРҚАТАР ЗАҢҒА ЖАРИЯ ТҮРДЕ ҚОЛ ҚОЙДЫ

07 қараша 2022

Президент биыл маусым айында өткен Конституцияға өзгерістер мен толықтырулар енгізу жөніндегі республикалық референдумнан кейін қабылданған бірқатар маңызды заңға жария түрде қол қойды. 

Қасым-Жомарт Тоқаев референдум нәтижесінде билік тармақтары арасындағы байланыстың жаңа үлгісін қалыптастыруға, мемлекет басқару ісіне азаматтардың қатысуына жол ашуға мүмкіндік туғанын және адам құқықтары мен бостандықтарын қорғау жүйесі нығайғанын айтты.

МУЗЫКАЛЫҚ АСПАПТАРДАҒЫ ЕЛ ТАРИХЫ

03 қараша 2022

ҚР Тұңғыш Президент кітапханасында елордадағы № 45 мектептің оқушыларына «Қазақтың музыка өнері» тақырыбында сабақ өткізілді. Кітапхананың Мәдени-ағартушылық жобалар қызметінің аға сарапшысы Жансая Шыңғысханқызы сабақ барысында балаларды қазақ халқының көнеден қалған музыкалық аспабы – қобыз, ұлттың асыл қазынасы – домбыра, көп ішекті шертпелі аспап – жетіген тарихымен таныстырды. Сонымен қатар, Қорқыт ата, Дәулеткерей Шығайұлы, Дина Нұрпейісова, Әміре Қашаубаев, Нұрғиса Тілендиев т.б. өнер майталмандарының шығармалары туралы тарқатып айтты.  

ҚР ПРЕЗИДЕНТТІГІНЕ КАНДИДАТ Қ.К. ТОҚАЕВТЫҢ САЙЛАУАЛДЫ БАҒДАРЛАМАСЫ. ӘДІЛЕТТІ ҚОҒАМ.

03 қараша 2022

Әділетті әлеуметтік саясат жүргізу – Әділетті Қазақстан құрудың  базалық алғышарты.

 

Азаматтың білім алуына, денсаулығы мен әл-ауқатына мемлекет тікелей жауапты. Әлеуметтік бюджетіміз өсіп келеді. Бұл – балабақша, мектеп, аурухана, мәдениет, спорт нысандарын салуға және жөндеуге, атаулы көмекке бөлінетін триллиондаған теңге.

 

АСТАНАДА ҚАЗАҚСТАН МЕН ШЕТ МЕМЛЕКЕТТЕР АРАСЫНДАҒЫ ДИПЛОМАТИЯЛЫҚ ҚАРЫМ-ҚАТЫНАСТЫҢ 30 ЖЫЛДЫҒЫНА АРНАЛҒАН ДӨҢГЕЛЕК ҮСТЕЛ ӨТТІ

03 қараша 2022

Қазақстан Республикасының Тұңғыш Президенті кітапханасында Қазақстан мен шет мемлекеттер арасындағы дипломатиялық қатынастардың орнағанына 30 жыл толуына арналған «Қазақстан Республикасының дипломатиялық қызметі: тарихи мұра және қазіргі заман» атты халықаралық ғылыми дөңгелек үстел отырысы өтті. 

Іс-шараны Қазақстан Республикасы Президентінің Архиві Қазақстан Республикасы Тұңғыш Президенті кітапханасымен бірлесіп ұйымдастырды.

ҚР ПРЕЗИДЕНТТІГІНЕ КАНДИДАТ Қ.К. ТОҚАЕВТЫҢ САЙЛАУАЛДЫ БАҒДАРЛАМАСЫ. ӘДІЛЕТТІ ЭКОНОМИКА

02 қараша 2022

Қазақстандағы олигополиялық капитализм әлеуметтік теңсіздік пен ішкі нарықтың теңгерімсіздігін тудырды. Компаниялардың кейбірі тіпті ауыр дағдарыста да көп табыс тапты.

 

Монополистер қызметін адал атқармай, азаматтардың нақты табысының өсуіне кедергі келтіріп, оларға «кедейлік қамытын» кигізді және орта таптың нығаюына жол бермеді.

 

Біз экономиканың даму моделін түбегейлі өзгертеміз.

 

ҚР ПРЕЗИДЕНТТІГІНЕ КАНДИДАТ Қ.К. ТОҚАЕВТЫҢ САЙЛАУАЛДЫ БАҒДАРЛАМАСЫ. ӘДІЛЕТТІ МЕМЛЕКЕТ

01 қараша 2022

Біз «күшті Президент – ықпалды Парламент – есеп беретін Үкімет» формуласы негізінде саяси жүйені жаңғыртуды жалғастырамыз.

 

Тек ұлт игілігі үшін жұмыс істейтін, ішкі әлеуметтік-экономикалық міндеттерді шешу мен мемлекеттің сыртқы мүддесін қорғауды қамтамасыз ететін мемлекеттік аппарат құрамыз.