8 800 080 15 05
kense@plibrary.kz
Бүгін Қазақстан Республикасының Тұңғыш Президенті – Елбасының кітапханасы «Жасыл Қазақстан» акциясын өткізді. Акция «Жасыл Жер» ЖШС және Қазақстан Республикасының Тұңғыш Президенті – Елбасының қоры қолдауымен өтті.
Елбасы кітапханасының қызметкерлері Еңбекшілер көшесінде орналасқан Назарбаев орталығы ғимаратының аумағына жүздеген түп ағаш отырғызды.
«Бүгін біз Елбасы кітапханасы үшін жаңа дәстүр бастап тұрмыз, - деді акция туралы түсінік берген Кітапхананың атқарушы директоры Бейсембай Жұмабеков. – Ағаш отырғызу шарасын жыл сайын ұйымдастыруды қолға алуды ойластырдық. Бұл біздің елорданы көгалдандыруға, экологиялық мәдениетті насихаттауға қосатын өзіндік үлесіміз болады».
Ұйымдастырушылар жаппай ағаш отырғызу туралы Кітапхана ұсынысын еліміз бойынша қолдап, дәстүрге айналдыруға үлес қосушылар табылатынына үмітті.