8 800 080 15 05
kense@plibrary.kz
22 қарашада Қазақстан Республикасының Тұңғыш Президенті күніне арналған Елбасы кітапханасының іс-шаралар онкүндігінің аясында М.С. Нәрікбаев атындағы КАЗГЮУ Университетінде «Елбасы. Жастық. Жасампаздық» ақпараттық-имидждік жоба бағдарламасы ұсынылды.
Жастар жылына орай ұйымдастырылған «Елбасы. Жастар. Жасампаздық» ақпараттық-имидждік жобасы Елбасы кітапханасы қызметінің білім беру, көрмелік және экскурсиялық үш негізгі бағытын біріктіреді.
Мәдени шараны ашқан Елбасы кітапханасының директоры Әмірхан Рахымжанов жиылған қауымды Тұңғыш Президент күнімен құттықтап, аталмыш жобаның маңыздылығына тоқталды:
– Бұл мерекенің еліміз үшін маңызы айрықша. Қазақ елінің әлемге танылуына Елбасының сіңірген үлесі шексіз.Осы айтулы күнге орай, Елбасы кітапханасы әзірлеген іс-шаралар онкүндігі 20 қараша күні Жастар – елдің тірегі» көрмесімен ашылды. Мәдени және ғылыми-танымдық іс-шараларының дәстүрлі онкүндігі аясында көшпелі семинарлар, конференциялар, кинокөрсетілімдер, музей сабақтары, дәрістер, тақырыптық және квест экскурсиялар, кешенді көрмелер өткізілетін болады. Қазақстанның Тұңғыш Президенті 2019 жылды Жастар жылы деп жариялады. Елбасымыз әрдайым жастарға, әсіресе үлкен оқу орнында жүрген студенттерге қолдау көрсетіп, болашаққа деген ынталы-жігерлі жас ұрпақты тәрбиелеуге көңіл бөліп отырады. «Жас ұрпақ біздің сенімімізді ақтайтынына және Қазақстанды ғаламдағы ең озық 30 елдің қатарына шығара алатынына сенемін» деп Елбасымыз жастарға зор үміт артады. Бүгін еліміздің іргелі оқу орны саналатын М.С. Нәрікбаев атындағы КАЗГЮУ Университетінің ұстаздары мен жастары «Елбасы. Жастар. Жасампаздық» атты ақпараттық-имидждік көрме жобасымен танысатын болады.
– Қазақстан Республикасының Тұңғыш Президенті күні – біз үшін ерекше мереке. Біздің университеттің өзі Нұрсұлтан Әбішұлының Бұйрығымен, «заң білімін дамыту және оның сапасын арттыру, республиканың заң саласындағы кадрларға деген сұранысын қанағаттандыру, құқықтық реформаны жүзеге асыру мақсатында» ашылған болатын. Елбасы кітапханасының атаулы мерекеге арнаған жобасын өткізу мен үшін үлкен мәртебе. Университетіміздің барлық студенттерін тәуелсіздігіміз бен мемлекетіміздің қалыптасу жолын баяндайтын көрме материалдарына ерекше назар аударуға шақырамын, – деп атап өтті «М.С. Нәрікбаев атындағы КАЗГЮУ Университеті» АҚ Басқарма төрағасы Талғат Нәрікбаев.
Ақпараттық-имидждік жобасы Елбасы кітапханасының архивтік және музейлік жинақтары негізінде «Елбасы. Жастар. Жасампаздық» кешенді көрмесімен ашылды. Көрме дәйекті түрде үш тақырыпты насихаттайды: Қазақстан Республикасында президенттік институттың құрылу тарихы, Қазақстанның мемлекеттік жастар саясаты, болашаққа бағытталған елдің даму стратегиялары. Көптеген жәдігерлер алғаш рет Елбасы кітапханасынан тыс кең ауқымда көпшілік назарына ұсынылды.
Іс-шара барысында «Тарихи таңдау. Бастамасы» «Тарихи таңдау. Ұмтылмас», «Елбасы мәртебесі – ел мәртебесі», «Қазақстанның спорттық даңқы» тақырыптық экскурсиялары ұйымдастырылды. Қатысушылар бірегей материалдардың тұтас кешенімен танысып, Қазақстан Республикасының Тұңғыш Президенті – Елбасының тарихи жолын баяндайтын бейнохрониканың сирек кадрларды, фотосуреттер мен архивтік құжаттарды тамашалады.
– Тұңғыш Президентіміз Н.Назарбаев биылғы жылды Жастар жылы деп жариялап, жас буын өкілдеріне қанат берді. Өзім университетіміздің Жастар бірлестігінің төрағасы болғандықтан, қоғамдық іс-шараларға белсенді түрде қатысамын. Бүгінгі Елбасы кітапханасының ақпараттық-имидждік жобасының біздің универститемізде өтіп жатқанына өте қуаныштымын. Бұл экспозиция бізге танымды болды. Қашанда Елбасы мен еркіндік егіз ұғым. Осы кешенді көрме мен тақырыптық экскурсиялардан бұрын-соңды естіп-көрмеген тың материалдар мен мол мағлұмат алдық. Бұл жастар үшін таптырмас құнды қазына деп білемін, – деп әсерімен бөлісті университетінің 2 курс студенті Дінмұхаммед Ерген.