Жаңалықтар мұрағаты 2022

КІТАП ҚОРЫ «ШОҚАН УӘЛИХАНОВТЫҢ ТАҒДЫРЫ МЕН МҰРАСЫ» БАСЫЛЫМЫМЕН ТОЛЫҚТЫ

13 қаңтар 2022

Қазақстан Республикасының Тұңғыш Президенті – Елбасы кітапханасының қоры Жарас Ермекбайдың «Шоқан Уәлихановтың тағдыры мен мұрасы» кітабымен толықты.
Қазақ және орыс тілдерінде жарық көрген еңбек ғалым және саяхатшы ретінде тарихқа ізін қалдырға, бүгінге дейін ғылыми мұрасы өзектілігін жоғалтпаған қазақ халқының біртуар ұлы Шоқан Уәлихановқа арналған.

ҚР ПАРЛАМЕНТІ МӘЖІЛІСІНІҢ ОТЫРЫСЫНДА МЕМЛЕКЕТ БАСШЫСЫНЫҢ СӨЙЛЕГЕН СӨЗІНЕ ПІКІР

11 қаңтар 2022

Бүгін Қазақстан Республикасы Парламенті Мәжілісінің отырысында Президент Қ.К.Тоқаев жаңа Премьер-Министрдің кандидатурасын таныстырып, елдің экономикалық және саяси өзгерістерінің негізгі бағыттарын жариялады.
Тәуелсіз Қазақстан тарихындағы қиын-қыстау кезеңде Мемлекет басшысы елдегі жағдайды тұрақтандыру мен халықтың бейбіт өмірін қайта қалыпқа келтіруде уақытылы да оң шешімдерді қабылдады.
Айтылған бастамалар Қазақстанның Тұңғыш Президенті – Елбасы Н.Ә.Назарбаевтың тәуелсіздік жылдарында қалыптастырған мемлекет моделінің әрі қарай дамытып, жаңартуға көзделген.

БҮГІН – ЖАЛПЫҰЛТТЫҚ АЗА ТҰТУ КҮНІ

10 қаңтар 2022

Құрметті отандастар!

Қазақстан Республикасының Тұңғыш Президенті – Елбасының кітапханасы мемлекеттік және қызметтік міндеттерін орындауда қаза тапқан азаматтар және бейбіт тұрғындардың туған-туыстары мен жақындарына көңіл айтады.
Сонымен қатар, қайғылы оқиға тұсында зардап шеккен жандарға қолдау білдіргіміз келеді.
Халқымыздың күші – бірлікте. Қазіргі қиын-қыстау кезеңде ортақ Отанымыз – Қазақстан Республикасының жарқын болашағы үшін қоғамдағы бейбітшілік пен келісімді сақтауға және жұмылуға міндеттіміз.

МӘҢГІЛІК ЕЛ АЛЫПТАРЫ. РОЗА БАҒЛАНОВА 100 ЖАСТА

05 қаңтар 2022

2022 жылдың алғашқы күнінде аты аңызға айналған қазақ опера және эстрада әншісі Роза Бағланованың туғанына 100 жыл толды.
КСРО халық әртісі, Қазақстан Республикасының халық әртісі, Қазақстанның халық қаһарманы атақтарының иегері Роза Тәжібайқызы тұтас бір дәуірдің ұлттық символына айналды.