Жаңалықтар мұрағаты 2021

Бүгін Елбасы кітапханасында Көпсалалы колледж студенттері мен Нұр-Сұлтан қаласының №№13,10 мектептерінің 7-8 сынып оқушыларына «Теңге – тәуелсіздігіміздің нышаны» дәрісі өтті. Тыңдаушылар Қазақстан аумағындағы ақша айналымының тарихымен, ұлттық валюта – теңгені шығару және енгізу кезеңдерімен танысты.

Ағымдағы жылдың 27 қазаны мен 11 қарашасы аралығында Қазақстанның бірқатар жоғары оқу орындарының студенттері игі дәстүрге айналған «Болашаққа жол өзіңнен басталады» атты екі күндік семинар-тренингке қатысты. Қарағанды ​​индустриалды университеті, М.Қозыбаев атындағы Солтүстік Қазақстан университеті, Х.Досмұхамедұлы атындағы Атырау университеті, Ш.Уәлиханов атындағы Көкшетау университеті, Қорқыт ата атындағы Қызылорда университеті, сондай-ақ М.Өтемісұлы атындағы Батыс Қазақстан университеті студенттері Елбасы кітапханасының дәрістерін алды.

Бүгін Елбасы кітапханасының Әлеуметтік-гуманитарлық және білім беру жобалары қызметінің мамандары «Астана» халықаралық университеті педагогикалық колледжінің студенттеріне ашық есік күнін өткізді. 

Қазақстан Республикасының Тұңғыш Президенті – Елбасы кітапханасы директорының орынбасары Ботагөз Қайыпова қатысушыларды іс-шараның бағдарламасымен таныстырды.

Анкара қаласында Қазақстан Республикасының Тұңғыш Президенті – Елбасы кітапханасы делегациясының ТҮРКСОЙ Бас хатшысы Дүйсен Қасейіновпен кездесуі өтті.

5 қарашада Анкарада Түркия Президенті Әкімшілігі жанындағы Ұлттық кітапханада Қазақстан мен Түркияның көрнекті саяси және қоғам қайраткерлерінің қатысуымен «Түркі әлемі: тарих, қазіргі заман, болашақ» халықаралық конференциясы өтті.

5 қарашада Түркия Президенті Әкімшілігі жанындағы Ұлттық кітапханада «Қазақстан жолы. Түркі бірлігі» көрмесінің салтанатты ашылуы өтті.

Қазақстан Республикасы Тәуелсіздігінің 30 жылдығына арналған халықаралық көрме жобасын Қазақстан Республикасының Тұңғыш Президенті – Елбасы кітапханасы, «Елбасы Академиясы» корпоративтік қоры, Қазақстан Республикасының Сыртқы істер министрлігі және Қазақстан Республикасының Түркия Республикасындағы Елшілігімен бірлесе ұйымдастырды.

Елбасы кітапханасының қызметкерлері С.Сейфуллин атындағы Қазақ агротехникалық университетінің ветеринария және мал шаруашылығы технологиясы факультеті мен орман шаруашылығы, жануарлар дүниесі және қоршаған орта факультетінің бірінші курс студенттеріне онлайн дәріс өткізді. «Елорда – тәуелсіз Қазақстанның символы» дәрісі барысында Елбасы кітапханасы қорындағы архив құжаттары мен фотоматериалдар пайдаланылды.

Герберт Гувердің президенттік кітапханасы мен музейі қайта ашылды

Герберт Гувердің президенттік кітапхана-музейі 2021 жылдың 19 қазанынан бастап тұрақты галереялары мен «Леонардо да Винчидің машиналары» уақытша көрмесін ашады.

Зерттеу залы, сыйлықтары дүкені, қоғамдық және білім беру бағдарламалары әзірге жабық.

https://hoover.archives.gov/news-and-events

Қазақстан Республикасының Тұңғыш Президенті – Елбасы кітапханасы жанындағы «Ақиқат» клубының кезекті пікірсайыс турниріне елордалық колледж студенттері қатысты. Олар 55 команданы қамтыды.

Талқылауға арналған тақырыптар қазіргі қазақстандық қоғамды толғандыратын өзекті мәселелерге негізделді. Олардың қатарында Қазақстандағы үштілділік, инклюзивті білім беру, баланың мамандығын таңдаудағы ата-ананың рөлі, тегін тәжірибе алу, т.б. бар.

Бүгін Өзбекстан кәсіподақтар федерациясының делегациясы қазақстандық әріптестерімен бірге Қазақстан Республикасының Тұңғыш Президенті – Елбасының кітапханасында келді.

Федерация төрағасы Кудратулла Рафиков бастаған шетелдік меймандардың тобы  музей экспозициялрын аралап, Тұңғыш Президентіміз Н.Ә. Назарбаевтың еңбек жолы арқылы тәуелсіз Қазақстанның тарихымен танысты.

Келушілер музейдің техникалық жабдықтарын жоғары бағалап, ақпаратты ұсынудың заманауи әдістерін мақтады.